A disgrazia di l'ACA ! Cumu fà ?

A disgrazia di l'ACA ! Cumu fà ?

Oghje l’ACA ùn si ne sorte micca in lega 2, 14esimu di a classifica l’oggettivu di a ricullata in lega 1 ùn hè più pussibile, è ci ritruvemu à ghjucà u mantenimentu. A squadra ùn ghjunghje micca à avè risultati boni malgratu un effettivu di qualità è un intrenadore chì avia fattu cullà l’ACA in lega 1 è l’avia mantenutu a prima annata.

Fauvergue hè troppu solu à a punta di l’attacca è hè dinò un pocu vechju dunque ùn pò ghjucà tutti i scontri è ci vularia un sicondu numeru 9. L’ultimu derby hè statu un fiascu, certi ghjucadori ùn si battenu micca annantu à u tarrenu, avemu vistu a sfarenza trà u nostru ghjocu è quellu di i nostri vicini. Cavalli porta a squadra ma ùn pò micca fà sempre miraculi.

Per migliurà a situazione ci vole à fà vultà quelli chì « tenianu » a squadra è u spugliatoghju, è chì anu participatu à a gloria di l’ACA : J.B. Pierazzi è Antò Lippini, veri guerrieri aiaccini ! Ci vole dinò à piglià esempiu annantu à u Gazelec cu i so ghjucadori chì sò di più aggressivi annantu à u tarrenu è u Sporting chì hà di più corsi in a squadra. Pò essa chì fendu cusì ci serà di più sustenidori in i tribuni.

Pocu fà ci hè statu una reunione trà i sustenidori è i dirigenti per fà capì a situazione di u club è circà di reagisce.

Speremu chì ssa presa di cuscenza permetterà di mantene si in lega 2 è da pochi anni ritruvà i tarreni di a lega 1.

E voi, chì sò e vostre suluzione par aiutà l’ACA à ripiglià un soffiu novu ?

A disgrazia di l'ACA ! Cumu fà ?A disgrazia di l'ACA ! Cumu fà ?

Rédigé par Mimi & Kiki

Repost0
Pour être informé des derniers articles, inscrivez vous :