A Generazione Y

A Generazione Y

Pecatu o furtuna pè i corsi, u Y esiste pocu è micca in a nostra lingua. Pudemu esse assicurati chì u sgaiuffu chì ci hà invintatu issu cuncettu di « Generazione Y » ùn hè micca d’indè noi.

Un pocu di seriu. Tuttu mondu, a socu hà da dì chì criticheghju sempre, mà forse, avà aghju una raghjone un pocu più legitima. Dipò qualchi tempi, ùn si sente più parlà chè di què annantu à a TV ò in i ghjurnali intelletualetti. Ci amparanu incù assicuranza chì tutti i ghjovani sottu à 25 anni, facenu parte di a Generazione Y. A mè mi face un pocu male dì sente chì i fan d’Instagram è altri Snapchat sarianu in u listessu saccu chì una zitella chì li piace a ghjucà à l’urdinatore à tanti RPG è atlri League of Legends. Dopu, pigliate un zitellu à quale li piace Call of Duty è diteli ch’ellu hè pare à quellu chì li piace à fighjula u Joueur du grenier, What the cut è SLG.

Hè cumu se un tippu chì ùn cunnosce nulla à u sportu andessi à vede un futballore è li dice :

«- O masciu, ai fattu u cuncorsu di Badmington ?

-Euh… Eiu, ghjocu à ballò, micca à u badmington.

-Ùn cummincià à fami cacà, si un SPURTIVU ! »

Di sicura, i mezi di cumunicazione sò i stessi par noi tutti è ben intesu chì utilizemu tutti un purtativu è un urdinatore. Ma cumprate un Musso à un membre di l’academia francese ò rigalate un paghju di crampons à una ballerina, è ditemi s’ellu l'hè piaciutu.

Eccu chì u vechju prublema si pone : I termi generichi cusì sò sempre inventati da vechji chì ùn cunnoscenu micca (ò più bè) i sughjetti ch’elli si facenu un piacè di cummintà. Eccu cume ci ritruvemu incù tuntie cusì. Si puderia dinò parlà di e parole : Bobo, Hipster, Machjaghjolu è Naziunalistu.

Allora ò zitè, cuminciate à amparà, chì nimu ùn vi lasciarà u tempu di prutestà :

Plus belle la vie, Walking Dead , Game of Thrones, Instagram, Snapchat, Twitter, Facebook (sopratuttu facebook). Se voi cunniscite una di isse cose, site un Y ch'ella vi piace o micca, site dighjà in a stessa galera chì l’altri…

Senza dà ci un sintimu d’appartene à una Generazione Y, issa appellazzione ci farà sapè ciò chì ùn vulemu micca divintà : vechji coni !

Rédigé par Basgialiscu

Repost0
Pour être informé des derniers articles, inscrivez vous :