Chì fà durante e vacanze di ferraghju ?

Chì fà durante e vacanze di ferraghju ?

Parechje soluzioni per tumbà l'annoiu di 15 ghjorni senza scola, l'avemu. In sopr'à più a corsica hè abbastanza ricca per cuntentà à tutti, nò ?

- pudemu stà in casa à ùn fà nunda, tichjacci di telé è di PS3 à u risicu di diventà un veru pommu, perchè stendu in casa, e riserve di chips è Cocà sminuescenu di manera spettaculare ; à u risicu dinù d'avè una vera facciaccia di quelle chì ùn anu mai vistu u lume "naturale".

- pudemu aiutà i nostri parenti à fà travaglii in casa , a tinta, a pulizia, taglià l'erba di u giardinu, coglie tutte e frasche è brusgialle…….nò, dicu per ride!!!!!!!! iè chì m'aghju da arrizzà per fà qualcosa d'utile, ùn và micca…

- pudemu cullà in paese à vede babbone, mammone,zii, zie, cugini, cugine è amichi ch'ùn emu più vistu dipoi natale è spassighjà à u sole, andà a à funtana, pusà nant'à a muraglietta,fà fà e malfatte à i più chjuchi, ghjucà à ballò nant'à a piazza, andà à u cignale, passà è vene in bissicletta….

- pudemu dinù fà vacanza spurtive: ahhhhh quessa sì, ma noi simu corsi dunque pigliemu a pratesa d'ùn andà micca in cuntinente à schià chì, hè ben cunnisciuta in cuntinente, ci sò i cuntinentali, eppò ci hè troppu mondu è di tutta manera hè troppu caru……dunque noi, ci stemu in casa nostra.

Anderemu dunque in una stazione di schì corsa (et qui on est ?!!!!)

Ci si vidimu diggià :

- in ESE, chì furtuna chè no avemu à un'oretta da Aiacciu, si pò sculiscià tranquilli…..in pace…… partimu, umbèèèè cum'ellu ci si colla bè, nisun prublema di circulazione, ind'è noi a DDE a li sciacca ! Quale hè ch'hà dettu ch'elli ùn ci eranu mai induve ci era u bisognu?….QUÌ u caccianeve hè passatu ….SIMU GHJUNTI !!!!!!!!!!! U tempu di mette a tenuta (un'ora) i scarpi (duie ore) è d'andà sin'à a pista ……è quì…….. nunda nunda nunda… appena di neve in cima di a pista………..per la misericcia ùn la pudianu dì quà ghjò chì neve ùn ci ne era ……… una ghurnata persa

- pigliemu dunque a decisione d'andà in Ghisoni, eccuci partuti à l'alba per esse quallà abbastanza à bon'ora per schià fighjendu u mare, quessa sì, noi corsi simu furtunati in l'alpe ponu dì ciò ch'elli volenu (e piste e più longhe, e più belle, stazioni rinumate, 3 valle ….. pffff ) ma schià fighjendu u mare ùn a ponu micca fà….. dunque eccuci partuti sta volta ci simu rinsignati, a neve ci hè………

ghjunti in Ghisoni (u paese) vedimi un caccianeve, cumincemu à attippà…. vitture di traversu à diritta, vitture di traversu à manca….. à meza strada, sott'à a strada… sopr'à a strada………finalmente … ÙN PUDIMU PIÙ avanzà, ci hè troppu neve, ùn si pò ghjunghje à a stazione eppò di tutte e manere hè chjosa, chì u patrone ùn ci hè pussutu cullà mancu ellu……………ùùùùùùùùùhhhhhhhh ma serà cusì pussibule…… ci ne vultemu azezi fracichi in casa nostra.

Ma simu corsi, fieri è curagiosi, quandu simu in una gattiva situazione pensemu à i nostri antenati ch'anu cumbattutu, è ch'ùn sò mai stati sottumessi …… RESISTENZA !!!!!!!!!!

ÙN CAPPIEMU NUNDA !

- u lindumane partimu per ASCU, sta volta hè a bona, oghje si schierà …. (bon, passemu nant'à l'ore di strada, a capaghjina, u vomitu, l'arrizzà à l'alba……..) è tandu ghjunti appena più in bassu chè a stazione vedimu un affare………….a neve ci hè (a vidimi) simu cuntenti si puderebbe dunque schià tranquilli, femu per cullà è tandu ci avvedimu chì……………..strada ùn ci ne hè più……………. a strada hè tagliata, sbundata, scempiata………ùn si pò dunque micca ghjunghje quassù è a stazione ghjè chjosa dipoi anni è anni…………..

Per la miseriaaaaaaaccia seremu cusì neeeeeeeeeeeerrri !!!!!!!!!!!!

nò nò , ma simu in Corsica

(precisione: tutte e situazioni conte sò stalvatoghji, ùn hè dunque micca una fizzione!!!

Ma oghje esiste un site internet per a stazzione d’Ese (http://www.ski-bastelica.com/) allora ùn ci lagnemu micca ! Bone vacanze à tutti !)

Chì fà durante e vacanze di ferraghju ?

Rédigé par Tragulina

Repost0
Pour être informé des derniers articles, inscrivez vous :