Chì scularu si ?

Chì scularu si ?

In e scole sò belli sfarenti i sculari, à chì travaglia, à chì ghjoca, à chì face u scemu...

Eccu uni pochi di ritratti di i sculari ughjinchi

- a sculara « Fachionista »

A sculara faschionista si veste sempre sempre sempre à a moda è di marca, cù u so saccu Vanessa Bruno in una manu è u so telefuninu in quill’altra, hà a listessa cuppa di capelli chè tutte e so amiche. ùn stà à sente chè à Rihanna è Beyonce, in scola preferisce cuntà l’ultimi puttachji chè di stà à sente u corsu è e face falà à quelli chì travaglianu .

- u scularu « Machjaghjolu »

U scularu machjaghjolu, si veste cum’è in paese, vene à dì : pantaloni treillis, vesta pulare Millet, scarpi Meindl li piacenu e canzone corse, a caccia, è ghjè un supporter accanitu di u Sporting è /o di l’ACA . A scola li piace pocu è micca, passa e so ore à sunnià di u paese è chì ghjè ellu chì hà tombu u Famosu Cignale maestru, nisun corsu l’interessa fora di u corsu di corsu…….

- u scularu « Più più più »

U scularu più più più, ghjè quellu chì pesa a manu per risponde più chè l’altri, e so risposte sò sempre e più longhe , e più precise, e più ghjuste ; quand’ellu piglia a parolla ùn si sà mai quand’ella hà da finisce…E so note sò e più bone di a scola, hè dunque u più intelligente …. È ghjè quellu chì annerva u più à tutti l’altri ( è ancu i prufessori) !!!!!

- u scularu « Bocca aperta »

U scularu bocca aperta, hè spurtivu, li piace à move, è dunque ùn supporta d’esse chjosu in scola è in più, à pusà,.si mette sempre accantu à a finestra per fighjà ciò chì si passa fora è cummenta TUTTU, parla parla parla di tuttu o n’importa chè , è finisce di regula, solu in fondu , perchè i prufessori ùn lu supportanu più…

- a sculara « Pare cusì mà »

si veste nurmalmente senza tralalà, travaglia nurmalmente senza fanne troppu mà di manera à esse in a media suprana di a scola, participeghja mà micca troppu perchè d’altri a facenu per ella, ùn si sente nisun puttachju nant’à ella, ùn li piacenu i cunflitti, li piace à scopre l’affari novi, li piace à leghje perchè a face sunnià, si contra cun tutti l’altri sculari in generale, ùn dice tant’affari ma s’è vo sapessite ciò ch ‘ella pensa…………

Tutte ste discrizzioni valenu per i maschji è e femine !!!!!

E voi ? vi site ricunnisciutu ? chì scularu site ?

Chì scularu si ?Chì scularu si ?Chì scularu si ?

Rédigé par Tragulina

Repost0
Pour être informé des derniers articles, inscrivez vous :