Festa di a Nazioni

A festa di a Nazioni... Tuttu u mondu sà – si spera -, chì issa festa si passa l'8 di Dicembri. Parchì l'8 ? Chì origini t'hà ? In unori à quali...? Truvareti ogni risposta indè issi qualchì filari...

Semu in Corsica, ben sicura in u 1735. A Corsica hè allora sottu a duminazioni ginuvesa. Ma un tempu di rivuluzioni si faci senta è si metti pocu à pocu in baddu à tal puntu chì un beddu ghjornu di Ghjinnaghju, capi di issa rivolta s'adduniscini in u cunventu d'Orezza. Duranti issa « riunioni », parechji punti sò trattati : a bandera cù a testa mora devi essa prisenta da partuttu nantu à l'isula ; u « Diu vi salvi Regina » diventa l'innu corsu ; hè brusgiata a custituzioni genuvesa, simbulu di rivuluzioni ; hè pruclamata l'indipindenza è hè vutatu un ghjornu di festa naziunali : l'8 di Dicembri. Parchì l'8 ? Simpliciamenti parchì, issi capirivolta, sia Ghjacintu Paoli, Don Luiggi Giafferi par un dettu, ani da piazzà l'isula sottu à a prutizzioni di a « Vergina Maria ». L'8 di Dicembri essendu u ghjornu di « l'Assunta gloriosa » ( o u terma più famigliari di « l'Immaculata Cuncizzioni ») fù scelta issa ghjurnata chì oghji hè firmata in i nosci menti da perpetuà i tradizioni è a cultura chì hè a noscia appughjendu si nantu à a storia la noscia...