Ghjunghji l'Aiaccinu !

Ghjunghji l'Aiaccinu !

Bonghjornu à tutti !

À qualchì ghjorni di u derby, a prissioni è a vulintà d'uttena trè punti ùn fermani di crescia in a menti di i ghjucadori è di i sustinidori. A cità d'Aiacciu s'appronta à campà un scontru à pena spiciali, u GFCA sarà uppostu à l'ACA. Dui squadri à u parcorsu sfarenti.

- D'una parti, avemu l'ACA chì veni di falà da a liga 1 è chì campa un principiu di staghjoni difficiuli cù un macciu à parità contru à Arles Avignon 0 à 0 è una disfatta in Timizolu contru à Sochaux 2 à 0.

- Da l'altra parti, hè l'upposta, u GFCA, chì ritrova a liga 2 dopu à un annu d'assenza hè in piena forma, hà principiatu bè a staghjoni vincendu u macciu d'apartura contru à Valenciennes in Mezavia 2 à 0 è ugualizendu indè l'ultimi minuti contru à Le Havre parmittendu à i diavuli rossi di rivena cù 1 puntu.

Issu derby pò essa un macciu maestru par a staghjoni, l'ACA hà da avè a voglia di richjappà si inveci chì u GFCA hà da vulè cuntinuvà nantu à a so lanciata. In più di què, l'amori di a maglietta, a passioni, l'unori, è a supremazia di a cità ani da puntà i dui squadri à trapassà si aldilà di u scopu spurtivu. U 18 d'Aostu, u vincidori sarà quiddu chì ni vularà u più. Spirendu chì duranti issu scontru, ùn ci fussini nè litichi nè azzuffi chì vastariani issa bedda festa...

Aspittemu issu scontru più chè mai, à luni ! FORZA AIACCIU !

Ghjunghji l'Aiaccinu !Ghjunghji l'Aiaccinu !

Rédigé par Machjaghjolu

Repost0
Pour être informé des derniers articles, inscrivez vous :