I più è i menu di a riintrata.

I più è i menu di a riintrata.

Com’è ogni annu, à u mesi di Sittembri s’hè fatta a riintrata. Sta parolla faci parlà mori ghjenti, i ziteddi ma dinò i prufissori. Guasgi tuttu u mondu si rantagna di a riintrata. Allora eiu, vi prupongu un picculu articulu pà spiigà vi i più è i menu di a riintrata. Ci ni vultemu dui mesi in daretu…

I più di sta famosa riintrata :

  • Duranti a riintrata, si ritrovani l’amichi ch’è ùn avemu micca vistu duranti i vacanzi.
  • Sò pochi ma à certi, li piaci à travaglià, tandu ritrovani stu piacè, abbastanza stranu quantunqua…

Avà tocca à i menu, chì s’annonciani più numarosi :

  • Allora ch’è no vinimu di passà più di dui mesi di vacanzi, senza travagliu, ci voli à vultà indè un locu chì ùn ci hà mancatu mancu stampa : u culleghju !!!
  • Dopu à dui mesi duranti i quali u ciarbeddu era à u riposu, addurmintatu, divimu travaglià torna è accenda torna issu ciarbeddu !!
  • Com’è a vi diciu à pena più sopra, si poni riveda l’amichi chì ci ani mancatu ma steti à senta u puntu di vista d’un scularu : « Quand’e sentu st’affari quì, mi coddani i narbi ! I me amichi, i vegu duranti i vacanzi nò ?! O ghjenti, stemu in Corsica micca indè i Stati Uniti !! Ci pudemu ritruvà duranti l’istati! »
  • Eppo tutti i matini, ci voli à svighjà si à l’alba è ogni sera, ci voli à chjinà si da bon’ora ; à l’inverciu di l’istati...

Cuncirnendu i prufissori, ùn vali a pena à fà una lista, basta à dumandà li parchì vuliani fà stu mistieru : « Eiu aghju sempri vulsutu fà quissu par via di i grandi vacanzi, ci campemu !! » Tandu par eddi, a riintrata hè un scumpientu, sopratuttu quand’eddi ritrovani tutti issi croci di ziteddi !!

Eccu, pensu ch’è vo l’aveti rimarcatu chì sò più numarosi i menu chè i più.

È vo, chì ni pinseti ? Piacè o suffrenza ?

Rédigé par Machjaghjolu

Repost0
Pour être informé des derniers articles, inscrivez vous :