La minute Barré... de la haine en barre

La minute Barré... de la haine en barre

Una semana fà, si parlava assai di l’amicu Barré annantu à e rete suciale ! Oghje chì no semu un pocu più calmati, è chì u dibattitu hè statu “dé-passionné” vuleriu dà, solu u me avisu di liceanu.

Sturianu rumanu assai cunnisciutu, Strabon, chì ci hà aiutatu à cunnosce a cultura è a storia di Roma hà ancu scrittu un picculu passaghju nantu à a corsica. Dice, chì i corsi ùn sò forse, schiavi di bona cumpusizione. Ghjè vera, chì quandu si parla à un corsu di mettelu imbastu, li scappa un fischiu tra i denti è chì i so peli s'arriccianu. Tantu, Strabon ci spiegà chì essendu cusì smutivati pà esse “cocu, battu et content” cume à dice u pruverbiu, più nimu ùn vole schiavi corsi è chì i rumani ùn vanu più in la nostra muntagna pà piglialli.

Eiu quandu aghju lettu què mi sò dettu, u surrisu in bocca : “Ma quale hè u piu connu in l’affare ?”

Eccu chì, guasgi duie millaie d’anni dopu, un tipettu, Pierre-Emmanuel Barré, ci dice annantu à Canal+ versu meziornu (ore durante e quale, tuttu ognunu pò fighjula issu prugramma, micca solu i Bobo parigini) chì a Corsica hè cumposta di turisti è di terruristi !
Eiu chì socu ùn grande difendidore di a libertà di sprimassi è di l’umore (di più u neru chì mi pare esse u megliu) mi dicu : eccu, pò essa chì pà una volta, un pinzuttu hà dà macagnà u populu corsu incù l’intelligenza di Desproges ! Vogliu ride !...

E pà dilla franca, a prima parte m’hà ben fattu ride ! I ritratti di i turristi chì so “terrurisimu visuale”, quellu di a cunfarenza di u FLNC chì ùn sò micca sculari di quinta in Marseglia parchì darettu ci hè un poster di kirikou. Viramente, m’ha fattu ride ! Ùn era troppu gattivu, ma assai acide è forse, quantunque intelligente !

Mà eccu chì ghjunghje à parte intaressante di u “sketch” ! Barré, piglià una infrasata di Strabon, surtita di u cuntestu, chì peccatu, dice, ié chì i corsi so strampalati mà dinò chì i corsi ùn sò micca bon schiavi. Mà que s’assumiglia à un cumplimente innò ? Dice chì un ci sottumittemu micca, ci face piacè ! Issa infrasata, hè guasgi un innu di i corsi chì dicenu sempre “Semu bauli è strampalati ma ùn semu micca schiavi”

Peccatu ! Invecce d’avè un Pierre Desproges avemu avutu un mezu Dieudonné (è ancu, socu gattivu incù Barré)

A mè ciò chì mi dirranghja, ùn hè micca un sketch, ò a so tuntia. Ghjè chì in un tempu cusì, si pò vede (incù l’affare Dieudo par esempiu) chì a ghjente cerca un paganacciu. Pà caccià l’ochji di a ghente di u spinu di i ghjudei, di l’africani o pà esse chjaru, di tutti i populi chì t’anu u drittu di chjama ghjustizia, i corsi t’anu e spalle larghe !

Pà mè ùn si deve chjamà a qualchi rabbia quale ch’ella si ! Parchì a rabbia, chjama à a viulenza è a viulenza, nimu ùn vole pruvà la. Allora à voi amichi liceani è corsi, pruvetti chì ancu, ùn ci sottumettemu micca à l’invie di l’altri : ùn rispondite à a rabbia incù rabbia.

« En opposant la haine à la haine, on ne fait que la répandre, en surface comme en profondeur. » Mahatma Gandhi

Rédigé par Basgialiscu

Repost0
Pour être informé des derniers articles, inscrivez vous :