Noi dinù, "boycott-emu" !

Quale hè chì vuleria manghjà prudutti avvilinati è fabricati da zitelli-schiavi ?

Tuttu ciò chè noi manghjemu ùn ci face micca sempre prò.

Di sicuru n'avete intesu parlà incù l'affara di l'oliu di palma ind'u Nutella, o pò esse incù tutte e discussione attuale chì trattanu di l'UGM (OGM in francesu), l'urganisimi geneticamente mudificati. Pè spiegalla à a lestra, sò pianti o altri vegetali da manghjà chì sò mudificati, pè sviluppà d'altre capacità (un esempiu : e pumate chì crescenu più prestu). Mà u prublema d'issi UGM hè ch'ùn sapemu micca chì seranu l'effetti nantu à a natura è nant'u à a saluta... Puderianu esse causa... di cancaru !

Hè impurtantissimu dinù di sapè chì certe intraprese chì vendenu robba da manghjà, ùn rispettenu micca i diritti di l'omi pè i so picculi travagliadori. Pè un dettu : travagliu di i zitelli, irrespettu di a misata minima, spluttazione smisurata di l'aghjente... S'assumiglia à u schiavitù !

È noi, uccidentali, manghjemu tutta 'ssa robba. Cumpremu cicculata è demu soldi à 'sse sucietà chì pò esse impieganu zitelli ! Cumpremu cereale cumposti di granu "mudificatu" ! Mi pare esse una vergogna è un risicu tamanti, è caccià 'sse pratiche di u nostru mondu hè una primura. Attenti ! Un dicu micca chì tutte e marche di robba funziuneghjanu cusì : ci sò per un dettu quelli chì t'anu u logo : "marché équitable", chì s'assicuranu di origine di 'ssi prudutti.

Mà comu sapè chì cumprà da manghjà ?

Ùn pudemu micca piantacci di manghjà quantunque !

Sò ghjust'à postu cascatu nant'u à un'appiecazione macfonu (traduzzione corsa di smartphone) gratisa chì s'intituleghja BUYCOTT. A pudete truvà ind'è l'AppleStore è di sicuru ind'i prudutti Samsung. Iss'appiecazione, fatta da un'addunita di cunsumatori americani (sò forti 'ss'americani !) ci permette di sustene cause chì ci tenenu à core. Aghju pigliatu per esempiu a causa di u rispettu di i diritti di l'omi pè i picculi travagliatori di e grande intraprese. Sè voia avete l'abitudina di cumprà robba di a marca "tropicana", BUYCOTT vi mustrerà cio ch'elli facenu... Puderete cusì manghjà a robba à l'origine più sicura, è ùn fareti mai più travaglià i zitelli disgraziati di u mondu !

Allora cambiemu di modu di cunsumazione ?

Quale serà u primu à pruvà l'appiecazione incù "la figatell de Corse" vinduta in i supermercati ?