U mistieru di giurnalista

Un giurnalista hà fattu studdii per infurmà a ghjente, è fà ricerche…

In una ghjurnata di travagliu u giurnalista cerca à sapè :

1-S’ellu ci hè u caffè ?…

2-S’ellu hè ghjuntu u Nice-Matin ?

3-Quale hè mortu ?

4-S’ellu ci hè qualcosa di novu ? (ma ùn ci hè mai nunda di novu. Cume in u Corse-Matin !)

5-Chì puderà truvà cum’è sughjettu per u so bigliettinu ?

6-Quale hè chì hà pigliatu u zuccaru ???

7-Perchè ùn trova micca sughjettu per stu bigliettinu.....ùn si passa mai nunda in issu porcu mundacciu ?……

8-Per la miseriaccia, duve seranu chjappe e cuchjarine ???????

9-Mmmm, ùn hè micca male stu caffè hè ancu bunissimu, quale l’averà fattu ? Cume ? induve ? « Équitable » ? O nò ? Arabica ? Robusta ? Corsica ? Pò fà un sughjettu nò ?

10-Induve hè u dizziunariu ? Cum’ellu hà trovu un sughjettu, li tocca avà à truvà parolle abbastanza cumplicate per mustrà à tutti a so intelligenza è a so saviezza......è puru s’elle ùn esistenu, micca isse parolle, e inventa (ça fait “genre”!!!!)..

U so sughjettu serà...... site pronti ???????

A psiccodipendenza di l’essere lambda à i Rubiacei,

crescitività o sminuzione di u pudere travaglitoghju !! Falzità o verità ???

Pabbàààààà pigliatevi què, chì pudenza.....ùn hè vera?????

Traduzzione : l’omu chì s’imbotra di caffè tutta a ghjurnata, 
travaglierà più o menu chè l’altri?????