U Sporting di u 2014

Ambienza :

Ghjuntu in furiani versu 7 ore di sera, sò entratu solu à 7 ore 30 perchè anu bluccatu a ghjente chì venia da u levante per fà passà u bus di i marsegliesi chì hà messu 20 minuti per fà... 2 chilometri ! Dopu ci hè statu qualchi prublemi incù i playmobil chì anu lampatu una bomba "lacrimogène" nantu à a ghjente. Pocu principiu !

Quandu socu entratu ùn aghju micca pussutu pusà mi chì ci era dighjà troppu mondu ! Eppuru era 1 ore è mezu nanzu à l'iniziu di u macciu !

U stadiu era in fusione avemu riescutu à marcà veramenti prestu è pensu chì ci simu visti troppu bellu. Cusì pocu dopu avemu presu dui but prestu prestu.

U publicu si hè calmatu sine à 1-3 , ma hà veramenti bè riagitu dopu, simu ghjunti à parità è avemu tenutu cusì sine à a fine, ciò chi hè strabè !

I ghjucadori :

Per i ghjucadori, pensu chì Areola hè un purtieru veramenti fortu è hà una tecnica straudinaria, hè applicatu nantu à tutti i ballò, Romaric, ellu, m'hà scimitu è a nostra difesa mi pare troppu anziana.

Palmieri hè un pocu in difficultà per difende ma a dritta nimu ùn passa cù Diakité !

Brandao hà messu un certu tempu a mette si in piazza ma dopu a presu tutti i ballò di u capu, Gillet hà fattu un macciu straudinariu hà vintu tutti i so duelli, hè un veru pistellu !

In attacca si và a lestra cù Boudebouz è Ayité chì sò boni ghjucadori. Maboulou hè putente è manescu, incù i so dui but hè statu l'eroi di a serata. Per compie Cahuzac chì hà messu un certu tempu à entre in u macciu hè turnatu u patrone quandu si hè messu in cundizione è hà calmatu lestru lestru Gignac.

In fin' di contu pensu chì u Sporting di Makélélé à i mezi di riesce quantu quellu di Hantz.

è voi cumu l'avete trovu ssu macciu ? è ssu Sporting novu chì ne serà ?