Un dispiazzamentu incù l'OR 02

Un dispiazzamentu incù l'OR 02

Beddu à spessu, i sustinidori sò mal' visti. Passani par salvatichi è viulenti. Feti vi u vostru parè lighjendu u resu contu di un dispiazzamentu di l'Orsi Ribelli, sustinidori di a squatra di pallò di l'ACA.

Eccu ciò ch'eddu si faci in un dispiazzamentu di sustinidori :

  • Si canta d’Aiacciu à Monacu, da u portu sin’à u Louis II.
  • S’accenda fumaghjoli (rossi ben’intesu !) in ogni locu (nantu à u bateddu, nantu à a strada, in Monacu…).
  • Si trasfurmeghja u cunduttori di u vitturoni in aceistu (veda u ritrattu) è li si faci mughjà « Forza Aiacciu ! ».
  • Si prufita dinò di u viaghju par veda u marcatu di natali di Monacu.
  • Si passa à u cuntrolu di i pulizieri prima di entra in u stadiu. Emi avutu à caccia i vistiti (ancu i scarpi !) è ci semi ancu fatti tuccà i capeddi (chì si pudarà piattà in i capeddi ?).
  • Si vedi u tarribili kop di l’Ultras Monaco… 50 parsoni à u più !
  • Di sicuru si faci di più rimori chì i munigaschi (iè ùn era micca difficiuli ma quantunqua).
  • E tandu ghjunghji ssu sintimu d’essa ind’è noi (« on est chez nous, on est chez nous »).
  • Si senti i sustinidori di Monacu chì si discetani dopu u but di Rivière, in fatti erani vivi !
  • Si ricevi i filicitazioni di un ministru di u guvernu di Monacu par a nostra tinuta, è ancu di i sustinidori munegaschi (veda u ritrattu).
  • Par compia si volta in Aiacciu senza voci è incù una scunfitta ma si passa quantunqua una bona notti nantu à u bateddu chì bisognu ci n’era dopu tamanta ghjurnata.

Bref, aghju fattu un dispiazzamentu incù l’Orsi Ribelli

Un dispiazzamentu incù l'OR 02Un dispiazzamentu incù l'OR 02
Un dispiazzamentu incù l'OR 02

Rédigé par l'Ochju di l'Orsu

Repost0
Pour être informé des derniers articles, inscrivez vous :